कपिलवस्तु — आज कार्तिक शुक्ल पूर्णिमाका दिन लाग्ने नहान मेलाको दिन जिल्लाका ८ स्थानीय तहले स्थानीय बिदा दिएका छन् । कार्यपालिकाको कार्यालय, मातहतका वडा कार्यालय, सामुदायिक तथा संस्थागत विद्यालय र स्वास्थ्य संस्था (अत्यावश्यक सेवा बाहेक)मा बुधबार स्थानीय बिदा दिइएको हो ।
जिल्लाको शिवराज, महाराजगन्ज, कपिलवस्तु र कृष्णनगर नगरपालिकाले सूचना प्रकाशित गरी स्थानीय बिदा दिएका हुन् । त्यस्तै यशोधरा, मायादेवी, शुद्धोधन र विजयनगर गाउँपालिकाले पनि स्थानीय बिदा दिएका छन् ।
जिल्लाको वाणगंगा नदीस्थित रामघाट र लक्ष्मणघाटमा ठूलो मेला लाग्ने गर्छ । त्यस्तै जिल्लाका विभिन्न नदी र घाटमा पनि मेला लाग्ने गर्छ । तराईमा नहान मेला विशेष उत्सवका रूपमा मनाइन्छ ।
सम्बन्धित खवर
