कपिलवस्तु-कपिलवस्तुको शिवराज नगरपालिका–५ चन्द्रौटा कटनीस्थित चिरञ्जीवी खनालको घरबाट ठूलो परिमाणमा अवैध कपडा बरामद गरिएको छ ।
राजस्व अनुसन्धान कार्यालय बुटवलका प्रमुख सुवास श्रेष्ठको नेतृत्वमा गएको टोलीले घरमा लुकाइछिपाइ राखिएका २३ बोरा ठूला कपडा बरामद गरेको हो ।
श्रेष्ठका अनुसार बरामद गरिएका कपडा थप अनुसन्धानका लागि बुटवल लगिएको छ ।
सशस्त्र प्रहरीका अनुसार उक्त कपडा ‘गुप्ता’ नामका एक व्यापारीको गोदाममा भण्डारण गरिएको थियो ।
सशस्त्र प्रहरी बल सीमा सुरक्षा गुल्म कृष्णनगरका नायब उपरीक्षक (डीएसपी) तुला चौधरीको कमाण्डमा गरिएको संयुक्त अपरेसनमार्फत कपडा बरामद गरिएको हो ।
सशस्त्र प्रहरी र राजस्व अनुसन्धान कार्यालयले यस सम्बन्धमा आवश्यक अनुसन्धान अघि बढाएको जनाएको छ ।
सम्बन्धित खवर
